Sjølvbyggjarprosjektet har status som eit nasjonalt pilotprosjekt i Husbanken, med eit mål om å fremje fruktbare løysingar på bustadsosiale utfordringar. Prosjektet er eksplorativt og innovativt i forma og søkjer eit breitt nedslagsfelt for utprøving av ulike tiltak og metodar.
Knarretun fasade2
Sjølvbygging omfattar byggje- og bustadprosjekt, samstundes som sentrale mål i prosjektet er knytt til det å skape læringsarenaer for deltakarane, samt å leggje til rette for meistring. Erfaringar så langt viser at prosjektet fungerer som eit positivt aggregat for arbeid med bustadsosiale utfordringar i kommunen.
Sjølvbyggjarprosjektet skal gje Meland kommune og andre nye modellar for styrking av bustadsosialt arbeid generelt og tenestetilbod overfor bustadlause spesielt. Prosjektet har no kome i ei fase kor formidling og utveksling av erfaringar vil stå sentralt. Håpet er at denne heimesida kan fungere som nettopp ein slik arena for kommunikasjon mellom personar, kommunar eller prosjekt som arbeider med bustadsosiale spørsmål.
VELKOMEN TIL NETTSTADEN!